16. Аще бо благовествую, несть ми похвалы, нужда бо ми належит: горе же мне есть, аще не благовествую.
17. Аще убо волею сие творю, мзду имам: аще же неволею, строение ми есть предано.
18. Кая убо ми есть мзда? Да благовествуяй без мзды положу благовестие Христово, во еже не творити ми по области моей в благовествовании.
19. Свободен бо сый от всех, всем себе поработих, да множайшыя приобрящу:
20. бых иудеем яко иудей, да иудеи приобрящу: подзаконным яко подзаконен, да подзаконныя приобрящу:
21. беззаконным яко беззаконен, не сый беззаконник Богу, но законник Христу, да приобрящу беззаконныя.
22. Бых немощным яко немощен, да немощныя приобрящу. Всем бых вся, да всяко некия спасу.
23. Сие же творю за благовестие, да соHбщник ему буду.
24. Не весте ли, яко текущии в позорищи вси убо текут, един же приемлет почесть? Тако тецыте, да постигнете.