4. и яко погребен бысть, и яко воста в третий день, по писанием,
5. и яко явися кифе, таже единонадесятим:
6. потом же явися боле пяти сот братиям единою, от нихже множайшии пребывают доселе, нецыи же и почиша:
7. потом же явися иакову, таже апостолом всем:
8. последи же всех, яко некоему извергу, явися и мне.
9. Аз бо есмь мний апостолов, иже несмь достоин нарещися апостол, зане гоних Церковь Божию.
10. Благодатию же Божиею есмь, еже есмь, и благодать его, яже во мне, не тща бысть, но паче всех их потрудихся: не аз же, но благодать Божия, яже со мною.