37. и еже сееши, не тело будущее сееши, но голо зерно, аще случится, пшеницы или иного от прочих:
38. Бог же дает ему тело, якоже восхощет, и коемуждо семени свое тело.
39. Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам.
40. И телеса небесная, и телеса земная: но ина убо небесным слава, и ина земным:
41. ина слава солнцу, и ина слава луне, и ина слава звездам: звезда бо от звезды разнствует во славе.