13. И аще воскресения мертвых несть, то ни Христос воста:
14. аще же Христос не воста, тще убо проповедание наше, тща же и вера ваша.
15. Обретаемся же и лжесвидетеле Божии, яко послушествовахом на Бога, яко воскреси Христа, егоже не воскреси, аще убо мертвии не востают:
16. аще бо мертвии не востают, то ни Христос воста:
17. аще же Христос не воста, суетна вера ваша, еще есте во гресех ваших:
18. убо и умершии о Христе, погибоша.
19. (И) аще в животе сем точию уповающе есмы во Христа, окаяннейши всех человек есмы.
20. Ныне же Христос воста от мертвых, начаток умершым бысть.
21. Понеже бо человеком смерть (бысть), и Человеком воскресение мертвых.