19. но в Церкви хощу пять словес умом моим глаголати, да и ины пользую, нежели тмы словес языком.
20. Братие, не дети бывайте умы: но злобою младенствуйте, умы же совершени бывайте.
21. В законе пишет: яко иными языки и устны иными возглаголю людем сим, и ни тако послушают мене, глаголет Господь.
22. Темже языцы в знамение суть не верующым, но неверным: а пророчество не неверным, но верующым.
23. Аще убо снидется церковь вся вкупе, и вси языки глаголют, внидут же (и) неразумивии или невернии, не рекут ли, яко беснуетеся?