4. Всяк муж, молитву дея или пророчествуяй покрытою главою, срамляет главу свою:
5. и всяка жена, молитву деющая или пророчествующая откровенною главою, срамляет главу свою: едино бо есть и тожде остриженней:
6. аще бо не покрывается жена, да стрижется: аще ли же срам жене стрищися или бритися, да покрывается.
7. Муж убо не должен есть покрывати главу, образ и слава Божия сый: жена же слава мужу есть.
8. Несть бо муж от жены, но жена от мужа:
9. ибо не создан бысть муж жены ради, но жена мужа ради.
10. Сего ради должна есть жена власть имети на главе ангел ради.
11. Обаче ни муж без жены, ни жена без мужа, о Господе.