15. жена же аще власы растит, слава ей есть? зане растение власов вместо одеяния дано бысть ей.
16. Аще ли кто мнится спорлив быти, мы таковаго обычая не имамы, ниже Церкви Божия.
17. Сие же завещавая не хвалю, яко не на лучшее, но на хуждшее сбираетеся.
18. Первое убо, сходящымся вам в церковь, слышу в вас распри сущыя, и часть некую (сих) верую.
19. Подобает бо и ересем в вас быти, да искуснии явлени бывают в вас.
20. Сходящымся убо вам вкупе, несть Господскую вечерю ясти:
21. кийждо бо свою вечерю предваряет в снедение, и ов убо алчет, ов же упивается.