23. И пришед Иисус в дом княжь, и видев сопцы и народ молвящь,
24. глагола им: отидите, не умре бо девица, но спит. И ругахуся ему.
25. Егда же изгнан бысть народ, вшед ят ю за руку: и воста девица.
26. И изыде весть сия по всей земли той.
27. И преходящу оттуду Иисусови, по нем идоста два слепца, зовуща и глаголюща: помилуй ны, (Иисусе) Сыне давидов.
28. Пришедшу же ему в дом, приступиста к нему слепца, и глагола има Иисус: веруета ли, яко могу сие сотворити? Глаголаста ему: ей, Господи.