1. И влез в корабль, прейде и прииде во свой град.
2. И се, принесоша ему разслаблена (жилами), на одре лежаща: и видев Иисус веру их, рече разслабленному: дерзай, чадо, отпущаются ти греси твои.
3. И се, нецыи от книжник реша в себе: сей хулит.
4. И видев Иисус помышления их, рече: вскую вы мыслите лукавая в сердцах своих?
5. что бо есть удобее рещи: отпущаются ти греси: или рещи: востани и ходи?
6. но да увесте, яко власть имать Сын Человеческий на земли отпущати грехи: тогда глагола разслабленному: востани, возми твой одр и иди в дом твой.