7. Молящеся же не лишше глаголите, якоже язычницы: мнят бо, яко во многоглаголании своем услышани будут:
8. не подобитеся убо им: весть бо Отец ваш, ихже требуете, прежде прошения вашего.
9. Сице убо молитеся вы: Отче наш, иже еси на небесех, да святится имя твое:
10. да приидет Царствие твое: да будет воля твоя, яко на небеси, и на земли:
11. хлеб наш насущный даждь нам днесь:
12. и остави нам долги нашя, яко и мы оставляем должником нашым:
13. и не введи нас в напасть, но избави нас от лукаваго: яко твое есть Царствие и сила и слава во веки. Аминь.