12. Слышав же Иисус, яко иоанн предан бысть, отиде в галилею,
13. и оставль назарет, пришед вселися в капернаум в поморие, в пределех завулоних и неффалимлих:
14. да сбудется реченное исаием пророком, глаголющим:
15. земля завулоня и земля неффалимля, путь моря об он пол иордана, галилеа язык,
16. людие седящии во тме видеша свет велий, и седящым в стране и сени смертней, свет возсия им.
17. Оттоле начат Иисус проповедати и глаголати: покайтеся, приближися бо Царство небесное.
18. Ходя же при мори галилейстем, виде два брата, симона глаголемаго петра, и андреа брата его, вметающа мрежи в море, беста бо рыбаря:
19. и глагола има: грядита по мне, и сотворю вы ловца человеком.