1. Утру же бывшу, совет сотвориша вси архиерее и старцы людстии на Иисуса, яко убити его:
2. и связавше его ведоша и предаша его понтийскому пилату игемону.
3. Тогда видев иуда предавый его, яко осудиша его, раскаявся возврати тридесять сребреники архиереем и старцем,
4. глаголя: согреших предав кровь неповинную. Они же реша: что есть нам? ты узриши.
5. И поверг сребреники в церкви, отиде: и шед удавися.