33. И слышавше народи дивляхуся о учении его.
34. Фарисее же слышавше, яко посрами саддукеи, собрашася вкупе.
35. И вопроси един от них законоучитель, искушая его и глаголя:
36. учителю, кая заповедь болши (есть) в законе?
37. Иисус же рече ему: возлюбиши Господа Бога твоего всем сердцем твоим, и всею душею твоею, и всею мыслию твоею:
38. сия есть первая и болшая заповедь:
39. вторая же подобна ей: возлюбиши искренняго твоего яко сам себе:
40. в сию обою заповедию весь закон и пророцы висят.