38. Делателе же видевше сына, реша в себе: сей есть наследник: приидите, убием его и удержим достояние его.
39. И емше его изведоша вон из винограда и убиша.
40. Егда убо приидет господин винограда, что сотворит делателем тем?
41. Глаголаша ему: злых зле погубит их, и виноград предаст иным делателем, иже воздадят ему плоды во времена своя.
42. глагола им Иисус: несте ли чли николиже в писаниих: камень, егоже не в ряду сотвориша зиждущии, сей бысть во главу угла? от Господа бысть сие, и есть дивно во очию вашею.
43. Сего ради глаголю вам, яко отимется от вас Царствие Божие и дастся языку творящему плоды его:
44. и падый на камени сем сокрушится: а на немже падет, сотрыет и.
45. И слышавше архиерее и фарисее притчи его, разумеша, яко о них глаголет:
46. и ищуще его яти, убояшася народа, понеже яко пророка его имеяху.