16. Тако будут последнии перви, и первии последни: мнози бо суть звани, мало же избранных.
17. И восходя Иисус во Иерусалим, поят обанадесяте ученика едины на пути и рече им:
18. се, восходим во Иерусалим, и Сын Человеческий предан будет архиереем и книжником: и осудят его на смерть,
19. и предадят его языком на поругание и биение и пропятие: и в третий день воскреснет.
20. Тогда приступи к нему мати сыну зеведеову с сынома своима, кланяющися и просящи нечто от него.