19. чти отца и матерь: и: возлюбиши искренняго твоего яко сам себе.
20. Глагола ему юноша: вся сия сохраних от юности моея: что есмь еще не докончал?
21. Рече ему Иисус: аще хощеши совершен быти, иди, продаждь имение твое и даждь нищым: и имети имаши сокровище на небеси: и гряди вслед мене.
22. Слышав же юноша слово, отиде скорбя: бе бо имея стяжания многа.
23. Иисус же рече учеником своим: аминь глаголю вам, яко неудобь богатый внидет в Царствие небесное:
24. паки же глаголю вам: удобее есть велбуду сквозе иглине ушы проити, неже богату в Царствие Божие внити.