13. Тогда глагола человеку: простри руку твою. И простре: и утвердися цела яко другая.
14. Фарисее же шедше совет сотвориша на него, како его погубят. Иисус же разумев отиде оттуду.
15. И по нем идоша народи мнози, и изцели их всех:
16. и запрети им, да не яве его творят:
17. яко да сбудется реченное исаием пророком, глаголющим:
18. се, отрок мой, егоже изволих, возлюбленный мой, наньже благоволи душа моя: положу Дух мой на нем, и суд языком возвестит:
19. не преречет, ни возопиет, ниже услышит кто на распутиих гласа его:
20. трости сокрушенны не преломит и лена внемшася не угасит, дондеже изведет в победу суд:
21. и на имя его языцы уповати имут.