24. обаче глаголю вам, яко земли содомстей отраднее будет в день судный, неже тебе.
25. В то время отвещав Иисус рече: исповедаютися, Отче, Господи небесе и земли, яко утаил еси сия от премудрых и разумных и открыл еси та младенцем:
26. ей, Отче, яко тако бысть благоволение пред тобою.
27. Вся мне предана суть Отцем моим: и никтоже знает Сына, токмо Отец: ни Отца кто знает, токмо Сын, и емуже аще волит Сын открыти.
28. Приидите ко мне вси труждающиися и обремененнии, и аз упокою вы:
29. возмите иго мое на себе и научитеся от мене, яко кроток есмь и смирен сердцем: и обрящете покой душам вашым:
30. иго бо мое благо, и бремя мое легко есть.