1. И глаголаше им: аминь глаголю вам, яко суть нецыи от зде стоящих, иже не имут вкусити смерти, дондеже видят Царствие Божие пришедшее в силе.
2. И по шести днех поят Иисус петра и иакова и иоанна, и возведе их на гору высоку особь едины: и преобразися пред ними.
3. И ризы его быша блещащяся, белы зело яко снег, яцехже не может белилник убелити на земли.
4. И явися им илиа с моисеем: и беста со Иисусом глаголюща.
5. И отвещав петр глагола Иисусови: равви, добро есть нам зде быти: и сотворим кровы три, тебе един, и моисееви един, и илии един.