17. Нужду же имяше на вся праздники отпущати им единаго.
18. Возопиша же вси народи, глаголюще: возми сего, отпусти же нам варавву.
19. Иже бе за некую крамолу бывшую во граде и убийство ввержен в темницу.
20. Паки же пилат возгласи, хотя отпустити Иисуса.
21. Они же возглашаху, глаголюще: распни, распни его.
22. Он же третицею рече к ним: что бо зло сотвори сей? ничесоже достойна смерти обретох в нем: наказав убо его отпущу.
23. Они же прилежаху гласы великими, просяще его на распятие: и устояху гласи их и архиерейстии.