62. И изшед вон плакася горько.
63. И мужие держащии Иисуса ругахуся ему, биюще:
64. и закрывше его, бияху его по лицу и вопрошаху его, глаголюще: прорцы, кто есть ударей тя?
65. И ина многа хуляще глаголаху нань.
66. И яко бысть день, собрашася старцы людстии и архиерее и книжницы, и ведоша его на сонм свой,
67. глаголюще: аще ты еси Христос? рцы нам. Рече же им: аще вам реку, не имете веры:
68. аще же и вопрошу (вы), не отвещаете ми, ни отпустите:
69. отселе будет Сын Человеческий седяй о десную силы Божия.