Новый Завет

Евангелие От Луки 19:12-21 Библия на церковнославянском языке (CSLAV)

12. Рече убо: человек некий добра рода иде на страну далече прияти себе царство и возвратитися:

13. призвав же десять раб своих, даде им десять мнас и рече к ним: куплю дейте, дондеже прииду.

14. И граждане его ненавидяху его и послаша послы вслед его, глаголюще: не хощем сему, да царствует над нами.

15. И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили.

16. Прииде же первый, глаголя: господи, мнас твоя придела десять мнас.

17. И рече ему: благо, рабе добрый: яко о мале верен был еси, буди область имея над десятию градов.

18. И прииде вторый, глаголя: господи, мнас твоя сотвори пять мнас.

19. Рече же и тому: и ты буди над пятию градов.

20. И другий прииде, глаголя: господи, се, мнас твоя, юже имех положену во убрусе:

21. бояхся бо тебе, яко человек яр еси, вземлеши, егоже не положил еси, и жнеши, егоже не сеял еси.

Читайте полную главу Евангелие От Луки 19