37. Поведаша же ему, яко Иисус назарянин мимоходит.
38. И возопи, глаголя: Иисусе Сыне давидов, помилуй мя.
39. И предидущии прещаху ему, да умолчит: он же паче множае вопияше: Сыне давидов, помилуй мя.
40. Став же Иисус повеле привести его к себе. Приближшуся же ему к нему, вопроси его,
41. глаголя: что хощеши, да ти сотворю? Он же рече: Господи, да прозрю.
42. Иисус же рече ему: прозри: вера твоя спасе тя.
43. И абие прозре, и вслед его идяше, славя Бога. И вси людие видевше воздаша хвалу Богови.