7. не может мир ненавидети вас, мене же ненавидит, яко аз свидетелствую о нем, яко дела его зла суть:
8. вы взыдите в праздник сей, аз не взыду в праздник сей, яко время мое не у исполнися.
9. Сия рек им, оста в галилеи.
10. Егда же взыдоша братия его в праздник, тогда и сам взыде, не яве, но яко тай.
11. Жидове же искаху его в праздник и глаголаху: где есть он?
12. И ропот мног бе о нем в народех: овии глаголаху, яко благ есть: инии же глаголаху: ни, но льстит народы.
13. Никтоже убо яве глаголаше о нем, страха ради иудейскаго.
14. Абие же в преполовение праздника взыде Иисус во церковь и учаше.
15. И дивляхуся иудее, глаголюще: како сей книги весть не учився?