27. ныне душа моя возмутися: и что реку? Отче, спаси мя от часа сего: но сего ради приидох на час сей:
28. Отче, прослави имя твое. Прииде же глас с небесе: и прославих, и паки прославлю.
29. Народ же стояй и слышав, глаголаху: гром бысть. Инии глаголаху: ангел глагола ему.
30. Отвеща Иисус и рече: не мене ради глас сей бысть, но народа ради:
31. ныне суд есть миру сему: ныне князь мира сего изгнан будет вон:
32. и аще аз вознесен буду от земли, вся привлеку к себе.
33. Сие же глаголаше, назнаменуя, коею смертию хотяше умрети.
34. Отвеща ему народ: мы слышахом от закона, яко Христос пребывает во веки: како ты глаголеши: вознестися подобает Сыну Человеческому? кто есть сей Сын Человеческий?