26. сотворил же есть от единыя крове весь язык человечь, жити по всему лицу земному, уставив предучиненая времена и пределы селения их,
27. взыскати Господа, да поне осяжут его и обрящут, яко не далече от единаго коегождо нас суща:
28. о нем бо живем и движемся и есмы, якоже и нецыи от ваших книжник рекоша: сего бо и род есмы.
29. Род убо суще Божий, не должни есмы непщевати подобно быти Божество злату, или сребру, или каменю художне начертану, и смышлению человечу:
30. лета убо неведения презирая Бог, ныне повелевает человеком всем всюду покаятися: