1. Бяху же нецыи во Церкви сущей во антиохии пророцы и учителие: варнава же и симеон нарицаемый нигер, и лукий киринеанин, и манаил со иродом четвертовластником воспитанный, и савл.
2. Служащым же им Господеви и постящымся, рече Дух святый: отделите ми варнаву и савла на дело, на неже призвах их.
3. Тогда постившеся и помолившеся и возложше руки на ня, отпустиша их.
4. Сия убо, послана бывша от Духа свята, снидоста в селевкию, оттуду же отплыста в кипр,
5. и бывша в саламине, возвещаста слово Божие в сонмищих иудейских: имеяста же и иоанна слугу.