17. И тако видех в видении кони, и седящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел.
18. И от триех язв сих погибе третия часть человеков, от огня и от дыма и от жупела, исходящих из уст их:
19. область бо коней во устех их бе, и ошиби их подобни змием, имуще главы и теми пакости деюще.
20. И прочии от человек, иже не вреждени быша язвами сими, ниже покаяшася от дел рук своих, да не поклонятся демоном, ни идолом златым и сребряным, и медяным и каменным и древяным, иже ни видети могут, ни слышати, ни ходити:
21. и не покаяшася от убийств своих, ни от волхвований своих, ниже от блуда своего, ниже от татьб своих.