2. И видех седмь ангелов, иже пред Богом стояху: и дано бысть им седмь труб.
3. И другий ангел прииде и ста пред олтарем, имеяй кадилницу злату: и даны быша ему фимиами мнози, да даст молитвам святых всех на олтарь златый сущий пред престолом.
4. И изыде дым кадилный молитвами святых от руки ангела пред Бога.
5. И взят ангел кадилницу, и наполни ю от огня сущаго на олтари, и положи на земли: и быша гласи и громи и блистания и трус.
6. И седмь ангел, иже имеяху седмь труб, уготовашася, да вострубят.
7. И первому ангелу вострубившу, бысть град и огнь, смешены с кровию, и падоша на землю: и третия часть древа погоре, и всяка трава злачная погоре.
8. И вторый ангел воструби, и яко гора велика огнем жегома ввержена бысть в море: и бысть третия часть моря кровь,