1. И егда отверзе седмую печать, бысть безмолвие на небеси яко пол часа.
2. И видех седмь ангелов, иже пред Богом стояху: и дано бысть им седмь труб.
3. И другий ангел прииде и ста пред олтарем, имеяй кадилницу злату: и даны быша ему фимиами мнози, да даст молитвам святых всех на олтарь златый сущий пред престолом.
4. И изыде дым кадилный молитвами святых от руки ангела пред Бога.
5. И взят ангел кадилницу, и наполни ю от огня сущаго на олтари, и положи на земли: и быша гласи и громи и блистания и трус.