1. В той час приступиша ученицы ко Иисусу, глаголюще: кто убо болий есть в Царствии небеснем?
2. И призвав Иисус отроча, постави е посреде их
3. и рече: аминь глаголю вам, аще не обратитеся и будете яко дети, не внидете в Царство небесное:
4. иже убо смирится яко отроча сие, той есть болий во Царствии небеснем:
5. и иже аще приимет отроча таково во имя мое, мене приемлет:
6. а иже аще соблазнит единаго малых сих верующих в мя, уне есть ему, да обесится жернов оселский на выи его, и потонет в пучине морстей.
7. Горе миру от соблазн: нужда бо есть приити соблазном: обаче горе человеку тому, имже соблазн приходит.