17. Горе же непраздным и доящым в тыя дни.
18. Молитеся же, да не будет бегство ваше в зиме.
19. Будут бо дние тии скорбь, якова не бысть такова от начала создания, еже созда Бог, доныне, и не будет.
20. И аще не бы Господь прекратил дний, не бы убо спаслася всяка плоть: но избранных ради, ихже избра, прекратит дни.
21. Тогда аще кто речет вам: се, зде Христос, или: се, онде: не имите веры.
22. Востанут бо лжехристи и лжепророцы и дадят знамения и чудеса, еже прельстити, аще возможно, и избранныя.
23. Вы же блюдитеся: се, прежде рех вам вся.
24. Но в тыя дни, по скорби той, солнце померкнет, и луна не даст света своего,
25. и звезды будут с небесе спадающя, и силы, яже на небесех, подвижутся.