17. И рече ему: благо, рабе добрый: яко о мале верен был еси, буди область имея над десятию градов.
18. И прииде вторый, глаголя: господи, мнас твоя сотвори пять мнас.
19. Рече же и тому: и ты буди над пятию градов.
20. И другий прииде, глаголя: господи, се, мнас твоя, юже имех положену во убрусе:
21. бояхся бо тебе, яко человек яр еси, вземлеши, егоже не положил еси, и жнеши, егоже не сеял еси.
22. Глагола же ему: от уст твоих сужду ти, лукавый рабе: ведел еси, яко аз человек яр есмь, вземлю, егоже не положих, и жну, егоже не сеях:
23. и почто не вдал еси моего сребра купцем, и аз пришед с лихвою истязал бых е?
24. И предстоящым рече: возмите от него мнас и дадите имущему десять мнас.