1. Приидоша же нецыи в то время, поведающе ему о галилеех, ихже кровь пилат смеси с жертвами их.
2. И отвещав Иисус рече им: мните ли, яко галилеане сии грешнейши паче всех галилеан бяху, яко тако пострадаша?
3. Ни, глаголю вам: но аще не покаетеся, вси такожде погибнете.
4. Или они осмьнадесяте, на нихже паде столп силоамский и поби их, мните ли, яко тии должнейши бяху паче всех живущих во Иерусалиме?
5. Ни, глаголю вам: но аще не покаетеся, вси такожде погибнете.