44. Еще же глаголющу петру глаголы сия, нападе Дух святый на вся слышащыя слово.
45. И ужасошася иже от обрезания вернии, елицы приидоша с петром, яко и на языки дар святаго Духа излияся:
46. слышаху бо их глаголющих языки и величающих Бога. Тогда отвеща петр:
47. еда воду возбранити может кто, еже не креститися сим, иже Дух святый прияша, якоже и мы?
48. Повеле же им креститися во имя Иисус Христово. Тогда молиша его пребыти у них дни некия.