21. Ndipo anakangamiza wina wopitirirapo, Simoni wa ku Kurene, alikucokera kuminda, atate wao wa Alesandere ndi Rufu, kuti anyamule mtanda wace.
22. Ndipo anamtenga kunka naye ku malo Golgota, ndiwo, osandulika, Malo-a-bade.
23. Ndipo anampatsa vinyo wosanganiza ndi mure; koma Iye sanamlandira.
24. Ndipo anampacika Iye, nagawana zobvala zace mwa iwo okha, ndi kucita maere pa izo, kuti adziwe yense adzatengaciani.
25. Ndipo panali ora lacitatu, ndipo anampacika Iye.
26. Ndipo lembo la mlandu wace linalembedwa pamwamba, MFUMU YAAYUDA.
27. Ndipo anapacika pamodzi ndi Iye acifwamba awiri; mmodzi ku dzanja lace lamanja ndi wina kulamanzere.[