1. Koma kuli mtapo wa siliva, Ndi malo a golidi amene amuyenga.
2. Citsulo acitenga m'nthaka,Ndi mkuwa ausungunula kumwala.
3. Munthu athawitsa mdima,Nafunafuna mpaka malekezero onse,Miyala ya mdima wa bii ndi ya mthunzi wa imfa.
4. Aboola mgodi posiyana patali pokhala anthu;Aiwalika ndi phazi lopitapo;Apacikika kutali ndi anthu, nalendewa-lendewa.
5. Kunena za nthaka, kucokera momwemo mumaturuka cakudya,Ndi m'munsi mwace musandulizika ngati ndi moto.
6. Miyala yace ndiyo malo a safiro,Ndipo iri nalo pfumbi lagolidi.