7. Kodi ndiwe munthu woyamba kubadwa?Kapena unayamba kulengedwa ndiwe, osati mapiri?
8. Kodi unamva uphungu wacinsinsi wa Mulungu?Ndipo unadzikokera nzeru kodi?
9. Udziwa ciani, osacidziwa ife?Uzindikira ciani, cosakhala mwa ife?
10. Pakati pa ife pali aimvi, ndi okalambitsa,Akuposa atate wako masiku ao,
11. Masangalatso a Mulungu akucepera kodi?Kapena uli naco cinsinsi kodi?
12. Mtima wako usonthokeranji nawe?Maso ako aphethira-phethira cifukwa ninji?
13. Kuti utembenuza mzimu wako utsutsane ndi Mulungu,Ndi kulola mau otere aturuke m'kamwa mwako.
14. Munthu nciani kuti akhale woyera,Wobadwa ndi mkazi kuti akhale wolungama?
15. Taona, Mulungu sakhulupirira opatulika ace;Ngakhale m'mwamba simuyera pamaso pace,
16. Koposa kotani nanga munthu wonyansa ndi wodetsa,Wakumwa cosalungama ngati madzi.
17. Ndidzakuonetsa, undimvere;Cimene ndinaciona, ndidzakufotokozera;
18. Cimene adacinena anzeru,Adacilandira kwa makolo ao, osacibisa;
19. Ndiwo amene analandira okha dzikoli,Wosapita mlendo pakati pao;
20. Munthu woipa adzipweteka masiku ace onse,Ndi zaka zowerengeka zisingikira woopsa.
21. M'makutu mwace mumveka zoopsetsa;Pali mtendere amfikira wakumuononga.
22. Sakhulupirira kuti adzaturukamo mumdima,Koma kuti lupanga limlindira;
23. Ayendayenda ndi kufuna cakudya, nati, Ciri kuti?Adziwa kuti lamkonzekeratu pafupi tsiku lamdima,
24. Nsautso ndi cipsinjo zimcititsa mantha,Zimlaka ngati mfumu yokonzekeratu kunkhondo;
25. Pakuti amtambasula dzanja lace moyambana ndi Mulungu,Napikisana ndi Wamphamvuyonse.
26. Amthamangira Iye mwaliuma,Ndi zikopa zace zocindikira.
27. Popeza anakuta nkhope yace ndi kunenepa kwace,Nacita mafunyenye a mafuta m'zuuno zace;