Det Gamle Testamente

Det Nye Testamente

1. Korintar 12:1-10 Bibelen 1978-85 Nynorsk (N78NN)

1. Når det gjeld Andens gåver, brør, vil eg ikkje at de skal vera utan kunnskap om dei.

2. De veit at då de var heidningar, vart de dregne til dei mållause avgudane og førte hit og dit.

3. Difor kunngjer eg dykk at ingen som talar i Guds Ande, seier: «Forbanna er Jesus!» Og ingen kan seia: «Jesus er Herre!» utan i Den Heilage Ande.

4. Det er skil på nådegåver, men Anden er den same.

5. Det er skil på tenester, men Herren er den same.

6. Det er skil på kraftige verknader, men Gud er den same, han som verkar alt i alle.

7. Hjå kvar einskild gjev Anden seg til kjenne, så det vert til gagn.

8. Ved Anden vert det gjeve den eine å forkynna visdom; ein annan får ved den same Ande å tala kunnskap.

9. Éin får ei serskild trusgåve ved den same Ande, ein annan får den nådegåva å lækja ved den eine og same Ande,

10. og éin får kraft til å gjera mektige gjerningar. Éin får den gåva å tala profetisk, ein annan gåva å prøva ånder, éin får tungetale av ulikt slag, ein annan å tyda tungetalen.

Les hele kapitlet 1. Korintar 12