28. စစ်တိုက်သွားသောစစ်သူရဲတို့သည်၊ ထာဝရဘုရားအားပေးရသောအခွန်ကို ခွဲ၍ လူ၊ နွား၊ မြည်း၊ သိုးအကောင်းငါးရာတွင် တကောင်ကိ ကောက်ယူပြီးလျှင်၊
29. သူတို့ခံရသောထက်ဝက်အဘို့ထဲကနှုတ်၍၊ ထာဝရဘုရားရှေ့တော်၌ ချီမြှောက်ရာ ပူဇော်သက္ကာပြုဘို့ရာ ယဇ်ပုရောဟိတ်ဧလာဇာအား ပေးရမည်။
30. ဣသရေလအမျိုးသားခံရသော ထက်ဝက်အဘို့ထဲကလည်း လူ၊ နွား၊ မြည်း၊ သိုးအစရှိသော တိရစ္ဆာန်မျိုးအကောင်ငါးဆယ်တို့တွင် တကောင်ကိုကောက်ယူ၍ ထာဝရဘုရား၏တဲတော်ကိုစောင့်သော လေပိသားတို့အားပေးရမည်ဟု၊
31. မောရှေအား ထာဝရဘုရားမှာထားတော်မူသည်အတိုင်း မောရှေနှင့် ယဇ်ပုရောဟိတ်ဧလာဇာတို့သည် ပြလေ၏။
32. စစ်သူရဲတို့သည်လက်ရသိမ်းယူခဲ့၍ ကျန်ကြွင်းသော ဥစ္စာပေါင်းကား သိုးခြောက်သိန်းခုနစ်သောင်း ငါးထောင်၊
33. နွားခုနစ်သောင်းနှစ်ထောင်၊
34. မြည်းခြောက်သောင်းတထောင်
35. ယောက်ျားနှင့် မဆက်ဆံဘူးသောမိန်းမ သုံးသောင်းခုနစ်ထောင် ရှိသတည်း။
36. စစ်တိုက်သွားသော သူတို့ခံရသော ထက်ဝက်အဘို့ကား၊ သိုး သုံးသောင်းခုနစ်ထောင်ငါးရာ ရှိသည်ဖြစ်၍၊
37. ထာဝရဘုရားခံရသောအခွန်ကား၊ သိုးခြောက်ရာခုနစ်ဆယ်ငါးကောင်တည်း။
38. နွားသုံးသောင်းခြောက်ထောင်ရှိသည်ဖြစ်၍၊ ထာဝရဘုရားခံရသောအခွန်ကား၊ နွားခုနစ်ဆယ်နှစ်ကောင်တည်း။
39. မြည်းသုံးသောင်းငါးရာရှိသည်ဖြစ်၍ ထာဝရဘုရားခံရသောအခွန်ကား၊ မြည်းခြောက်ဆယ်တကောင်တည်း။
40. လူတသောင်းခြောက်ထောင်ရှိသည်ဖြစ်၍ ထာဝရဘုရားခံရသောအခွန်ကား၊ လူသုံးဆယ်နှစ်ယောက်တည်း။