27. Тэгээд Тэр аяга авч, талархлаа өргөөд, тэдэнд өгөнгөө—Үүнээс та нар бүгдээрээ ууцгаа.
28. Учир нь энэ бол нүглүүдийн уучлалын тулд олны төлөө урсгах гэрээний Миний цус.
29. Харин Би та нарт хэлье. Үүнээс хойш Би энэ усан үзмийн дарсыг та нартай хамт Эцэгийнхээ хаанчлалд дахин шинээр уух өдрийг хүртэл ер уухгүй гэв.
30. Тэд магтуу дуулсныхаа дараа, Чидун уул өөд явцгаав.
31. Тэгэхэд Есүс тэдэнд—Та нар энэ шөнө Надаас болж бүгд бүдрэх болно. Учир нь “Би хоньчинг цохиж унагахад хонин сүрэг тарж бутарна” гэж бичигдсэн билээ.
32. Харин Би амилуулагдсаны дараа, та нараас өмнө Галилд очно гэв.
33. Петр Түүнд—Танаас болж бүгд бүдэрлээ ч, би хэзээ ч бүдрэхгүй гэв.
34. Есүс—Үнэнээр Би чамд хэлье. Энэ шөнө азарган тахиа донгодохоос өмнө чи Намайг гурван удаа үгүйсгэнэ дээ гэв.
35. Тэгтэл Петр Түүнд—Би хичнээн Тантай хамт үхэх ёстой болсон ч, Таныг үгүйсгэхгүй гэхэд шавь нар бүгдээрээ бас тэгж хэлцгээв.