21. Зарим нь—Эдгээр үгс нь чөтгөр шүглэсэн хүнийх биш. Чөтгөр сохрын нүдийг нээж чадах уу? хэмээн ярьж байлаа.
22. Иерусалимд сүмийг Шинэтгэн ариусгасны баяр болж байлаа. Тэгэхэд өвөл байв.
23. Есүс сүм дотор Соломоны танхимд явж байжээ.
24. Тэгтэл иудейчүүд Түүнийг тойрч, Түүнд—Та хэдий болтол биднийг эргэлзүүлэх юм бэ? Хэрэв Та Христ мөн юм бол, бидэнд шуудхан хэлээч гэсэнд
25. Есүс тэдэнд—Би та нарт хэлсэн. Та нар итгэдэггүй. Эцэгийнхээ нэрээр үйлдсэн Миний үйлс Намайг гэрчилдэг.
26. Харин та нар Миний хонин сүрэг биш учир итгэдэггүй.