1. Иймд та нар дуудагдсан тэрхүү дуудлагадаа зүй зохистой явахыг Эзэний хоригдол би хичээнгүйлэн ятгая.
2. Ингэхдээ аливаа төлөв даруу байдлаар бөгөөд дөлгөөн сэтгэлээр хайр дотор бие биеэ хүлцэн тэвчиж,
3. амар тайвны хүлээс дотор Сүнсний нэгдлийг хадгалахыг хичээгтүн.
4. Та нар өөрсдийнхөө дуудлагын нэг найдвар дотор дуудагдсаны адил нэг бие, нэг Сүнс,
5. нэг Эзэн, нэг итгэл, нэг баптисм,
6. нэг Бурхан байна. Тэр бол бүгдийн Эцэг бөгөөд бүгдийн дээр бүгдээр дамжуулан бүгдийн дотор байдаг.
7. Харин Христийн бэлгийн хэмжээгээр бидний хүн нэг бүрд нигүүлсэл өгөгдсөн байв.
8. Тиймээс“Өндөрт дээш гарахдаа,Тэр олон хоригдол олзлов.Тэр хүмүүст бэлгүүд өгсөн” гэж хэлдэг.