1. ЭЗЭН, Өөрийн уураар намайг бүү зэмлээч,Өөрийн хилэнгээр ч намайг бүү гэсгээгээч.
2. Би сул дорой учир, ЭЗЭН, намайг өршөөгөөч.Миний яс янгинадаг учир, ЭЗЭН, намайг эдгээгээч.
3. Миний сэтгэл ч ихэд шаналж байна.Харин ЭЗЭН, Та хэр удах вэ?
4. ЭЗЭН, буцан ирж, миний сэтгэлийг хэлтрүүлээч,Өөрийн хайр энэрлийн улмаас намайг авраач.
5. Учир нь үхэлд Таныг дурсан санана гэж үгүй,Үхэгсдийн оронд хэн Танд талархах вэ?
6. Би ёолсоор эцэж ядарч байна.Шөнө бүр би ороо хөвүүлж,Дэвсгэрээ ч нулимсаараа нэвт норгодог.
7. Гашуудснаас болж нүдний минь гал бөхсөн.Миний бүх өстнөөс болж нүд минь харанхуйлсан.
8. Гэм нүгэл үйлдэгчид та бүгд надаас холд.Учир нь ЭЗЭН миний уйлан гинших дууг сонссон.