16. тогаш оние, што се наоѓаат во Јудеја, нека бегаат по планините;
17. кој е на покрив нека не слегува да земе нешто од куќата своја;
18. и кој е на нива, нека не се враќа назад за да ги земе алиштата свои!
19. Но тешко на бремените и на доилките во тие дни!
20. Затоа молете се да не стане бегањето ваше зиме или во сабота;
21. зашто тогаш ќе има голема неволја, каква што немало од почетокот на светот па досега, ниту, пак, ќе има.
22. И ако не се скратат оние дни, никој не би се спасил; но заради избраните ќе се скратат тие дни.
23. Тогаш, ако ви каже некој: ‚Еве, овде е Христос‘ или ‚таму е‘ – не верувајте!