20. А Тој им одговори и рече: „Еден од дванаесетмината е, што мака со Мене во чинијата.
21. Но Синот Човечки заминува, како што е пишано за Него. Само тешко му на оној човек, преку кого Синот Човечки ќе биде предаден; подобро ќе беше за тој човек, да не се беше родил!“
22. И кога јадеа, зеде Исус леб, го благослови, го прекрши, па им даде и рече: „Земете, јадете; ова е Моето тело.“
23. Потоа ја зеде чашата, заблагодари и им ја даде; и се напија од неа сите.
24. И им рече: „Ова е Мојата крв на Новиот завет, која се пролива за мнозина.
25. Вистина ви велам: нема да пијам веќе од лозовиот плод, сѐ до оној ден, кога ќе пијам нов во царството Божјо.“
26. Па, откако испеаја благодарствена песна, се искачија на Маслиновата Гора.
27. И им рече Исус: „Сите ќе се соблазните заради Мене во оваа ноќ, зашто е напишано: ‚Ќе го удрам пастирот и ќе се разбегаат овците.‘
28. А по воскресението Мое ќе отидам пред вас во Галилеја.“
29. А Петар Му рече: „Дури и сите да се соблазнат, јас не!“
30. И му рече Исус: „Вистина, ти велам дека уште денес, во оваа ноќ, пред да запее петел двапати, ти трипати ќе се откажеш од Мене!“
31. Но тој уште поодлучно говореше: „Ако треба дури и да умрам со Тебе, нема да се одречам од Тебе.“ И сите истото го рекоа.
32. Пристигнаа во пределот, по име Гетсиманија; и им рече на учениците Свои: „Седете овде, додека отидам да се помолам!“
33. И ги зеде со Себе Петар, Јаков и Јован; се замисли и почна да тагува,
34. па им рече: „Душата Ми е до смрт нажалена; останете тука и бидете будни!“
35. И штом се оддалечи малку, падна на земја и се молеше, за да Го одмине часот, ако е можно;