15. Но тие викаа: „Земи, земи, распни Го!“ Пилат им рече: „Царот ваш ли да Го распнам?“ Првосвештениците одговорија: „Ние немаме цар, освен цезарот.“
16. И тогаш им Го предаде за да биде распнат. И Го зедоа Исус, и Го поведоа.
17. И носејќи го Својот крст, Тој излезе на местото наречено Черепница, а по еврејски Голгота;
18. таму Го распнаа, а со Него и други двајца, од едната и од другата страна, а насреде – Исус.
19. Пилат, пак, напиша и натпис, и го кладе на крстот. А беше напишано: „Исус од Назарет, цар Јудејски.“