9. Како што Ме возљуби Отецот, и Јас ве возљубив вас. Останете во Мојата љубов!
10. Ако ги запазите Моите заповеди, ќе останете во љубовта Моја, како што Јас ги запазив заповедите на Мојот Отец и останувам во љубовта Негова.
11. Ова ви го реков за да остане радоста Моја во вас и радоста ваша да биде полна.
12. Ова е Моја заповед: да се љубите еден со друг, како што ве возљубив Јас.
13. Никој нема поголема љубов од оваа: да ја положи душата своја за своите пријатели.
14. Вие сте Ми пријатели ако го вршите она што ви заповедам Јас.