9. Не оплакувајте се, браќа, еден на друг, та да не бидете осудени: ете, Судијата стои пред вратата.
10. Браќа, како пример на страдања и долготрпенија земете ги пророците што зборуваа во името Господово.
11. Ете, блажени се оние што истрајаа. Сте чуле за трпението на Јов и узнавте каков крај му даде Господ, затоа што Господ е многумилостив и се смилува на него.
12. А пред сѐ, браќа мои, не колнете се ни во небото, ни во земјата, ниту пак со некоја друга заклетва. И зборот нека ви биде да – да и не – не, за да не паднете под суд!
13. А ако некој од вас страда, нека Му се моли на Бога; весел ли е, нека Го фали Господа!