3. А блудство и секаква нечистота или, пак, користољубивост воопшто да не се спомнуваат меѓу вас, како што им прилега на светии,
4. ниту, пак, срамни и будалести зборови или двосмислени приказни, што се неприлични, туку само благодарност.
5. Зашто ова треба да го знаете: дека ниеден блудник, или нечист, или користољубец – кој е идолопоклоник, нема дел во царството на Христос и Бог.
6. Никој да не се мами со празни зборови; зашто поради нив доаѓа гневот Божји врз синовите на непокорноста;
7. затоа, не станувајте нивни соучесници.
8. Вие некогаш бевте темнина, а сега сте светлина во Господ: живејте како деца на светлината!
9. Зашто плодот на светлината се состои во сѐ што е добро, праведно и вистинито –
10. одлучете се за она што Му е мило на Бога!
11. Не учествувајте во бесплодните дела на темнината, туку изобличувајте ги!
12. Зашто за она што го прават скришум, срамно е и да се зборува.
13. А сѐ што е изобличено, светлината го прави јавно; бидејќи сѐ што е јавно, светлина е.
14. Затоа е речено: „Стани ти што спиеш, воскресни од мртвите, и Христос ќе те осветли!“
15. Па така, внимавајте добро како живеете! Не како безумни, туку како мудри;